Orientámonos en Lousada

A Orientación na área da Educación Física debemos expola como unha actividade que ao finalizar permitirá aos alumnos desenvolverse con maior autonomía no medio natural; que a descubrirán como un método de desenvolvemento da condición física moito máis entretido e divertido que outros que xa coñecían; que lles servirá para ampliar os seus coñecementos en determinados temas (mapas, xeografía, compases, ...); que lles permitirá ampliar o abanico de actividades que tiñan para ocupar o seu tempo de lecer (maiores posibilidades no sendeirismo, excursionismo, acampadas, excursións en bicicleta, ...) e, por último permitiralles coñecer en maior ou menor profundidade un deporte que era descoñecido para a maioría e poder participar nas súas competicións.

A Orientación proporcionará aos nosos alumnos unha motivación máis á hora de tomar contacto co medio natural.

Dentro do CEIP de Lousada, divertímonos moito buscando no mapa un sin fin de "Tesouros" que por equipos poidemos atopar, axudándonos para iso dun mapa e do noso sentido da orientación no espazo.

Aspectos positivos da Orientación no espazo

É unha actividade que permite un enfoque REAL e PRÁCTICO das actividades no medio.

A través da Orientación ofrecemos aos alumnos unha ferramenta que lles vai a seguir sendo útil máis aló das sesións de Educación Física. Supón unha oferta REAL ao tempo de lecer. Permite practicala sempre que se queira: na cidade, no campo, nas saídas habituais de lecer :cando se vai de excursion, cando se fai sendeirismo, cando se vai de acampada, cando se vai en bicicleta, cando se fai turismo, ... apetece atopar outros itinerarios máis bonitos, máis emocionantes, ... ou simplemente diferentes aos habituais. É, ademais, unha actividade FÁCIL de realizar e economicamente ALCANZABLE.

É unha actividade descoñecida para a maioría dos nosos alumnos e moi motivante.

A Orientación supón unha práctica DESCOÑECIDA para a gran maioría dos alumnos. Pero ademais, é unha actividade que se presta a un enfoque lúdico na liña de aprender xogando e probando, provocando maior grao de DIVERSIÓN e, por tanto, maior MOTIVACIÓN.

Os valores educativos que a Orientación desenvolve.

É unha actividade facilitadora da integración ( grupos heteroxéneos e mixtos)

Facilita e esixe nun primeiro momento o traballo en grupo. Require a participación de todo o grupo. Se traballamos en grupo (tríos, parellas, ...) faise necesaria a colaboración, o intercambio de opinións, a confrontación das mesmas, ... Non ten porqué haber diferenzas entre sexos nin tampouco en canto ao nivel de Condición Física. Todos poden ter éxito.

É unha actividade na que adquire vital importancia a capacidade de toma de decisións. Ademais de comprobar case ao instante se estas decisións foron ou non acertadas.

É unha actividade que incide de forma moi directa no desenvolvemento das aptitudes cognitivas, sociais e afectivas ademais das motrices e psicomotrices.

É unha actividade na que o traballo interdisciplinar é abundante e interesante, á vez que é fácil de levalo a cabo.

Rematamos o noso código da non violencia

Hoxe, fixemos unha sesión moi entretida logo de rematar o noso "Código da non violencia no deporte en Lousada". Mediante esta proposta os alumnos/as redactamos, puxemos en común e posteriormente deseñamos o noso particular código da non violencia no deporte e no xogo.

Aprendemos unha gran variedade de Elementos Transversais presentes no Decreto 105/2014, a demáis de traballar numerosas competencias clave presentes no currículum.

A Educación en valores e algo fundamental na nosa sociedade, por iso, mediante este tipo de propostas, podemos educar aos alumnos/as fomentando o respecto polo compañeiro/a, polo adversario e en definitiva abogar polo respeto das normas e polo xogo limpo.

Dentro do noso código, non existe espazo para as trampas, as faltas de respeto o compañeiro/a ou ó adversario. Buscamos que o clima dentro dos espacios de lecer, dentro da práctica deportiva seña cada día mellor e que se establezca ademáis unha transferencia a vida cotiá, fomentando deste xeito unha aprendizaxe significativa.

Cada alumno e alumna leva para a súa casa o código da non violencia elaborado no centro educativo entre todos os compañeiros/as. Deste xeito poderá telo presente no fogar, para levar a cabo fora tamén do centro escolar.

Ademáis, nas paredes do noso centro estará presente unha copia do Código da Non Violencia, preto das instalacións deportivas, para que no momento en que ocorra algún comportamento contrario as conductas polas que abogamos, se poida recurrir a el e deste xeito o alumno poida concienciarse do erro cometido.

Imaxe 1. Alumnos/as amosando o código da Non Violencia 

Imaxe 2. Alumnos/as compartido o código da Non Violencia

Imaxe 3. Código da Non Violencia no Deporte

Deseñamos un código da Non Violencia no Deporte

Dentro do CEIP de Lousada, comezamos a diseñar un código da non violencia no xogo e no deporte. Entre todos buscamos chegar a un acordo para facer un código común para o centro educativo.

Cada alumno/a, pensa e escribe unha serie de aspectos que non se poden dar no deporte, posteriormente poñeremolos todos en común e entre todos, fomentando o acordo e a coherencia xeral estableceremos un código da non violencia para o CEIP de Lousada.

Mediante esta actividade fomentaremos as seguintes Competencias Clave establecidas no Decreto 105/2014 de 4 de setembro:

- Competencia en Aprender a Aprender.
- Competencia Social e Cívica. 
- Competencia en Sentido da Iniciativa e Espírito Emprendedor.

Imaxe 1. Alumnos/as escribindo as súas pautas para o código da non violencia no deporte.

Imaxe 2. Alumnos/as escribindo o código da non violencia.

Imaxe 3. Alumno de 1º de EP escribindo o código da Non Violencia no deporte.

Coñecemos cómo se alimenta "Pepa Pig"

As froitas e verduras pertencen ao grupo dos hidratos de carbono. As froitas achégannos acedo ascórbico (vitamina C) ademais doutros antioxidantes como os flavonoides. Tamén nos achegan fibra de tipo soluble que nos axudará a mellorar a función intestinal. Doutra banda, as verduras son unha fonte importante de potasio, magnesio, fibra, folatos e vitaminas A e C. Algunhas nos achegan calcio e ferro.

A OMS recomenda tomar polo menos 5 racións de froitas e verduras por persoa e día, é dicir, unhas 25 racións semanais.  Para conseguir un aumento do consumo de froitas e verduras nesta etapa, a función das familias e a escola é esencial.

No día de hoxe, os alumnos/as de Educación Infantil coñecemos como Pepa Pig come 5 pezas de froita ao día e fai exercicio físico.

Pepa disfruta xogando cos seus amigos, xogando ca pelota, andando, montando en bicicleta e moitas máis actividades. Todo isto aprendémolo nunha xornada moi entretida aproveitando a figura da nosa amiga Pepa.

Os nosos alumnos/as xa recoñecen a importancia de realizar exercicio e comer froita para obter grandes beneficios na nosa saúde.

Imaxe 1. Consellos de Exercicio e Alimentación de Pepa Pig.

Imaxe 2. Debuxos dos alumnos/as sobre a importancia de realizar exercicio e comer froita.

¿Coñecedes a Xaime, o neno saudable?

Aproveitando que no centro estamos a traballar o plan Proxecta "Máis e mellor actividade física", comezamos a crear un conto coincidindo ca semana do libro. 

Os mestres do centro deixamos unha serie de pautas para fomentar as seguintes competencias clave recollidas no Decreto 105/2014 de 4 de setembro:

• Compentecia en Sentido da Iniciativa e Espírito Emprendedor: cada alumno/a debe ter creeatividade e iniciativa para desenvolver un fragmento acorde a temática pautada polos mestres.
• Competencia Social e Cívica: os alumnos e alumnas do CEIP de Lousada deben porse de acordo. O conto debe ter certa coherencia interna, porén cada fragmento debe estar correctamente entrelazado.
• Competencia Lingüística: con esta proposta educativa os nenos e nenas traballarán esta competencia, ao ter que redactar eles mesmos o conto. Ademáis fomentarase de igual xeito a comprensión lectora.
• Competencia Aprender a Aprender: fomentar o aprendizaxe e incidir en estratexias que lle permitan ao alumno aprender por sí mesmo fai que o ensino sexa moito máis significativo. Mediante dita proposta educativa buscase unha transferencia positiva e unha aprendizaxe significativa.

Ademáis de todo isto, esta actividade serve para fomentar a importancia de realizar exercicio físico dende nenos, abogando por unha dieta saudable e equilibrada.

Xaime, O Neno Saudable

Viaxa o exercicio na Mochila viaxeira

Dende o comezo do curso, está a visitar as casas dos alumnos e alumnas a nosa mochila viaxeira.

Aproveitando que fomentamos semanalmente a lectura con esta proposta educativa, mostramos aos nenos/as libros nos que vexan e coñezan o corpo humano, inculcado a importancia de realizar exercicio físico para manter un organismo san.

Imaxe 1. A nosa mochila viaxeira visita as casas dos escolares do CEIP de Lousada.

Orientación espacial e figuras xeométricas

Hoxe fomentamos a interdisciplinariedade con outras áreas, en concreto traballaron da man a área de Matemáticas e de Educación Física, fomentando a orientación espacial, o coñecemento de aspectos topolóxicos básicos e diferentes figuras xeométricas.

A continuación compartimos imaxes dos alumnos e alumnas desfrutando das actividades.

Imaxe 1. Alumnos/as facendo un círculo cos seus corpos.

Imaxe 2. Alumnnos/as facendo un triángulo.

Imaxe 3. Alumnos/as facendo un rectángulo